Vönduð og efnismikil bók um allt það helsta sem snertir gimsteina, kristalla og aðra skrautsteina. Í bókinni eru 800 ljósmyndir og greinargóður texti sem útskýra uppruna, útlit og eðli þessara eftirsóttu náttúruefna á aðgengilegan máta. Þar er einnig að finna litalykla sem ættu að hjálpa áhugafólki að greina á milli skrautsteinategunda.
130 tegundir gimsteina og annarra skrautsteina eru sérstaklega til umfjöllunar í bókinni. Farið er yfir muninn á náttúrusteinum, gervisteinum og eftirlíkingum, auk þess sem farið er yfir helstu tegundir eðalmálma.
Ari Trausti Guðmundsson, jarðeðlisfræðingur, rithöfundur og sjónvarpsmaður, þýddi og staðfærði bókina eftir danskri og breskri útgáfu sem unnin var í samvinnu við British Museum of Natural History.
Yfirgripsmikil bók sem allt áhugafólk um skrautsteina ætti að hafa gaman af að lesa.